Die derde Danny Titus Gedenklesing het vanoggend plaasgevind in die New National Hotel. Ons gasspreker was professor Hein Willemse wat geen bekendstelling nodig het nie. Hy het almal teenwoordig met ‘n briljante toespraak geïnspireer.
Hein was ‘n klasmaat van Danny op hoërskool in Worcester asook ‘n mede – student aan die UWK. Na my mening was hy die ideale persoon om ons toe te spreek. Prof Nico Norman Koopman was ons geleentheidspreker verlede jaar en was ook teenwoordig.
Ons gaskunstenaar was James Bhemgee, ‘n man wat die “South Africa got Talent” kompitisie so ‘n paar jaar gelede gewen het met sy pragtige tenoorstem. Ons het ook een van ons eerste ontvangers van ‘n ere- DAK toekenning, dr Coenie Thys en sy vrou, Elizabeth, by die geleentheid verwelkom.
My dank aan vriende van DAK wat ons verëer het met hul teenwoordigheid. Ons maak weer so volgende jaar.
