Mediaverklaring

Die begrotingsrede van 23 Februarie is oor die algemeen met versigtige optimisme ontvang. Die DAK Netwerk is bly oor die groot bedrag wat aan leer en kultuur toegewys is, met die leeue-aandeel aan basiese onderwys, en voel sterk daaroor dat Afrikaanse onderrig hieruit voordeel moet trek. Ons kan nie fokus op matriekslaagsyfers wat slegs ‘n geringe toename getoon het omdat dit selektief geïnterpreteer is nie – wat van al die kinders wat nooit eens tot by graad 12 vorder nie en waarskynlik gaan bydra tot die allemintige werkloosheidsyfer onder die jeug? Die tyd vir praatjies en beloftes is verby – nou moet daar konstruktiewe implementering wees, veral in die agtergestelde Afrikaanssprekende bruin en swart gemeenskappe waarop die DAK Netwerk se projekte toegespits word, sê Danie van Wyk, uitvoerende voorsitter van die DAK Netwerk. Die mediaverklaring hierby bevat meer besonderhede.